🔴 لو أنتِ من الأمهات دي.. أرجوكِ وقفي!
📌 لو أنتِ أُم بتعمل كل حاجة بأقصى مجهودها وبتبذل كل طاقتها لآخرها..
📌 لو أنتِ أُم بتحب تتعلم.. بس بتتعلم بطريقة تجهد أعصابها وكل ما تلاقي كورس خاص بالتربية تقدم فيه وبقى عندها معلومات تكفي وتفيض وتتعب في وقت واحد!
📌 لو أنتِ أُم بتحس بالذنب لو طلبت مساعدة ولازم تعمل كل حاجة بإيديها وتعيد صناعة كل شيء من البداية.
📌 لو أنتِ أُم شايفة إن راحتك تقصير ووقتك لنفسك أنانية واعتنائك بذاتك أنسب طريقة لجلد الذات.
لو أنتِ أُم من الأمهات دي أرجوكِ خدي نفس عميق..
وخدي بالك كويس من الكلمتين دول:
الله، النفس، ثم الآخر.. قاعدة ثابتة حطيها قدام عينك..
مجرد ما تحطي الآخرين قبلك هتهلكي نفسك والآخرين غصب عنك -لو الآخرين دول من مسؤوليتك زي الأطفال-..
مدخلاتك الكتير تبع التربية وفهمك وشغفك في إصلاح ذاتك وتربيتك لأطفالك شيء جميل..
لكن لازم ولا بد من فترة للتانية تاخدي هدنة.. متحرقيش خلايا مخك في اكتشاف عالم جديد مليان حاجات كتيرة أوي في وقت قصير..
على مهلك محدش بيجري وراكِ.. مسموح لك بالأخطاء عادي أنتِ إنسانة..
مش لازم كل حاجة تكون متقنة إلى أبعد حد جميل الإتقان لكن لو عملتي اللي في وسعك ومقدرتيش تزودي خليكي رحيمة بنفسك فضلًا.
راحتك والبريك بتاعك مش رفاهية.. الدنيا دلوقتي مش زي زمان.. والضغوط جاية من كل الاتجاهات.. فلازم عشان تكملي تتعلمي تدوسي فرامل وتاخدي لحظة هدوء من غير ما أي حد بما فيهم نفسك يحسسك بالذنب.
ختامًا لو استفدتي من البوست شاركيه مع غيرك عشان هما كمان يستفادوا منه.
دُمتي بخير.💙