الطفل والموبايل

لو أخدت منه الموبايل هيزهق.. - طب ما هذا هو المطلوب!😃 الطفل الزهقان أحسن من الطفل السرحان اللي مخه بيقف وهو ماسك الموبايل.. الطفل الزهقان لو وفرتي له أي أدوات وأي ألعاب حواليه وملقاش إلا هي هتلاقيه بيبدع وبينطلق بخياله لبعيد.. الاضطرار أحيانًا بيخلي الإنسان بشكل عام مش الطفل بس يفرك عشان يلاقي حاجة تشغله وتونسه! فطفلك لو زهقان سيبيه زهقان هتلاقيه هو اللي بيدور على حل المشكلة دي.. وما تجريش أنتِ على الحل فورًا.. واحدة واحدة هتتفاجئي بطاقته وتركيزه اللي بيزيد وطول مدة انتباهه.. واكتشافاته اللي عمالة تزيد يوم بعد يوم.. فافتكري دايمًا.. الطفل الزهقان أحسن من السرحان🎯