الطفل اللي عنده سلوكيات اعتمادية على الأم بشكل مبالغ فيه.. حله ٤ خطوات:
🔹️ تشركيه في المسؤوليات البسيطة تحت باند التحدي.. يالا نشوف مين هيخلص أسرع أنت ولا أنا.
🔹️ تخلي عنده وقت فراغ، ودا لأنه لو طول الوقت قاعد قدام الشاشات وكل حاجة بتيجي ليه على الجاهز عمره ما هيقوم يلبي احتياجاته..
لكن لو عنده وقت فراغ وبيلعب اللعب الطبيعي هيبقى عنده إدراك لاحتياجاته.. لو جاع هيقوم يطلب أكل.. لو محتاج حاجة هيقوم يجيبها.
🔹️ تثقي فيه.. وتوريله الثقة دي.. سواء اديتي له مهمة يعملها سهلة أو صعبة عرفيه إنك واثقة فيه إنه يقدر يعملها وأيًا كانت النتيجة شجعيه.. هيبقى عنده حافز فيما بعد وخوفه واحدة واحدة هيقل.
🔹️ اطلبي أنيسة تساعدك في المهمة دي.. مهمة تعليم طفلك الاستقلالية واعتماده على نفسه..
الأنيسة بيكون عندها خبرة في التعامل مع مختلف أنماط الأطفال.. بالإضافة لوجود خطة مخصصة للطفل حسب احتياجه هي بتمشي عليها.. فلو الموضوع صعب عليكي ما تترديش إنك تطلبي مساعدتها.
ختامًا، الطفل اللي عنده سلوكيات اعتمادية ما بيتولدش بيها.. لكن احنا اللي بنتحكم في مدى وجودها من الأساس.. وكل ما بدأنا معاه من بدري كل ما كان أحسن.