🔸️ بتنزليه حضانة في وقت هو لسه صغير فيه ومش قادر يعبر عشان ظروفك مش سامحة..
🔹️ مش بتنزليه وبتخافي عليه وقررتي تقعديه معاكي لغاية ما يكبر شوية وبعدين ينزل..
🔸️ بتأكليه أكل صحي ومش بتديله أي أكل من برا نهائي وعليكِ حمل كبير..
🔹️ مش ملتزمة أوي بموضوع الأكل الصحي وبتحاولي قدر الإمكان على قد ما تقدري تلتزمي بيه.
🔸️ بتعلميه مهارات مختلفة وبتنزليه يلعب رياضة معينة من بدري..
🔹️ بتسيبيه يلعب اللعب الطبيعي بتاع الأطفال ويستكشف مع نفسه في الشقة ويتعلم بالتجربة.
🔸️ بتنيميه بدري ومهتمة بمواعيد نومه أول بأول..
🔹️ مسؤولياتك كتير وبيعذبك على ما ينام فبينام متأخر أوقات وأوقات..
🔸️ بتروقي الشقة أول بأول وبترفضي إن حد غريب يجي البيت يروقلك أو يساعدك.
🔹️ بتجيبي حد أسبوعيًا يساعدك سواء في البيت أو أنيسة تراعي طفلك في وجودك وتنمي مهاراته..
أيًا كان بتعملي إيه في الحاجات دي وغيرها.. مش من حق أي حد أبدًا ينظْر عليكي أو يحسسك بالذنب..
مفيش قالب المفروض الأم تتحط فيه.. كل أم تجربتها وعيشتها وظروفها مختلفة عن التانية مهما تشابههوا..
والضغط النفسي والمسؤوليات والمدخلات بشكل عام في وقتنا هذا كبير ومُجهد جدًا..
فالأكيد إنك كأُم بتحاولي طول الوقت تكوني نسخة أحسن منك عشان ولادك يتربوا بأفضل شكل..
فـ استمري في المحاولة دي، وارفقي بنفسك.. أنتِ أُم بتحاول وأي محاولات مهما كانت متخبطة هي أفضل من الصفر.
وكل شيء بيجي بالتعلم والتجربة، ولا عزاء لأي حد بيلوم أو بينظْر.. لا تبالي💙