4 مهارات لازم تتعلميها لو أنتِ أم جديدة.
◀ التقبل: الأم الجديدة فجأة بتتحط في مسؤولية مهما شافت أو مهما سمعت بردو هتكون جديدة عليها وموترة بالنسبالها..
ودا طبيعي لأن الإنسان يخاف مما يجهل.. فكل اللي مفروض تعمليه هو إنك تاخدي نفس عميق.. وترحبي بالحياة الجديدة..
وتتقبلي النوم المتقطع بعد ما كنتي بتنامي بالـ 12 ساعة براحتك..
تتقبلي الزن والعياط المتواصل.. الصحيان فجأة والتعب اللي بيخليكي سهرانة طول الليل جنبه.. كل دا طبيعي في رحلة الأمومة..
فالتقبل هو خطوة استباقية عشان تحمي نفسك من الضغط العصبي أو التوتر المستمر.
◀ خلي الأب شريك معاكِ في رحلتك من البداية.. مهم تحسي بدعمه ومهم الطفل من صغره يتعود على وجود بابا جنبه.. مش بس في اللعب والانبساط ولكن كمان في المسؤوليات..
◀ اوعي تهملي رعايتك الذاتية.. أه طبيعي يجي أوقات مش قادرة تهتمي فيها بنفسك زي الأول.. لكن الرعاية الذاتية هي بمثابة استشفاء ليكي..
هتحسي إنك لسه ليكي مساحتك حتى لو في كائن صغنن شاركك فيها.. اهتمامك بنفسك هيخرجك برا مود التعب والتوتر وهيخليكي واحدة واحدة تعرفي توازني المسؤوليات بشكل صحي غير ضاغط عليكي.
◀ اطلبي المساعدة.. كتير من الأمهات الجدد بيمروا بتجربة اكتئاب ما بعد الولادة.. عشان كدا ما تسيبيش نفسك من غير مساعدة..
ولو هتحتاجي حد يساعدك في بداية الرحلة وياخد بإيدك واحدة واحدة الأنيسات موجودين عشان كدا💙
اطلبي الأنيسة في أي وقت، واستعيني بمساعدتها ليكي ولطفلك، رحلة أمومتك هتبقى أسهل وأهدى.💯💙