في مقولة لجون بولبي بتقول: "ما لا يمكن للطفل أن يوصله لأمه، لا يمكنه أن يوصله إلى ذاته."
يعني لو الطفل معرفش يتواصل مع أمه بخصوص مشاعره الطبيعية وأخطائه وسقطاته من غير ما يتأنب أو يتلام أو يترفض..
عمره ما هيعرف يتواصل مع نفسه.. وهيبقى دا شكل العلاقة اللي اتعلم منها ازاي يتعامل مع نفسه..
ماما بتأنبني أنا كمان هعمل كدا مع نفسي..
ماما بتركز على أخطائي فقط أنا كمان هعمل كدا..
ماما مبتعبرش عن حبها ليا كفاية أنا كمان مش هعرف أحب نفسي كفاية.. وهكذا..
الحقيقة الطفل ذكي جدًا.. وبيتعلم بشكل لا واعي جدًا.. اللي بيتصدر منكم بياخده على الجاهز ويعمله مع نفسه..
ودا شيء مهم نكون مدركينه.. وعلى قد ما نقدر ناخد بالنا منه.
والأهم إننا نفضل نحاول معاهم بلا كلل ولا ملل ونرفق بأنفسنا لو قصرنا معاهم غصب عننا.💙